Naposledy vložené
Úniková místnost Vlaková loupež
Booking

Rezervujte si pobyt. Podpoříte zpěvník a sami dostanete $ 15.

Nejčastěji prohlížené
Opomíjené

Sense Outa Nansense (Johnson Linton Kwesi)

Di innocent an di fool could paas fi twin But haas a haas An mule a mule Mawgah mean mawgah It noh mean slim Yet di two a dem in common share someting Dem is awftin confused an get used Dem is awftin criticised an campramised Dem is awftin villified an reviled Dem is awftin foun guilty widoutn being tried Wan ting set di two a dem far apawt dow Di innocent wi habah dout Check tings out An maybe fine out But di fool.............cho! di innocent an di fool could paas fi twin But like a like An love a love A pidgin is a pidgin An a dove is a dove Yet di two a dem in common share someting Dem is awftin anticipated an laywated Dem is awftin patronised an penalised Dem is awftin paccified an isolated Dem is awftin castigated an implicated Wan ting set di two a dem far apawt dow Di innocent wi habah dout Check tings out An maybe fine out But di fool.............cho! di innocent an di fool could pass fi twin But a rat is a rat An a mouse is a mouse A flee is a flee An a louse is a louse Yet di two a dem in common share someting Dem is awftin decied an denied Dem is awftin ridiculed an doungroded Dem is sometimes congratulated an celebrated Dem is sometimes surprised an elated But as yu might have already guess Dem is awftin foun wantin more or less