Ideale

Ambros Wolfgang

Es war ein Tag wie jeder andere,
    es is eigentlich nix passiert,
    es is überhaupt nix vorg'fall'n
    i hob nix Verdächtiges g'spürt.
    I hob an dem Tag nix empfunden,
    mir is a niemand begegnet,
    es is nix Bedeutendes g'wes'n,
    es woa ned sonnig, es hot ned g'regnet.
    I bin afoch so umananderknotzt daham,
    an dem Tag, an dem mir meine Ideale
    abhanden 'kommen san.
    I hob an dem Tag nix vorg'habt,
    und eigentlich war ma a bißl fad,
    i waß ned wars a Dienstag oder a Mittwoch,
    vielleicht wars a Donnerstag.
    Es war nix besonders im Fernseh'n
    um ½8 wie immer Zeit-im-Bild,
    i hab de meiste Zeit nur in die Luft g'schaut,
    und i glaub, i woa a bißl verkühlt.
    Doch i woa völlig relaxed, völlig relaxed,
    und ohne Plan,
    an dem Tag, an dem mir meine Ideale
    abhanden 'kommen san.
    Net, da  i jetzt a Panik hätt,
    oba irgendwie gehngans ma o,
    von ana Minut'n auf die andere,
    warn's auf amoi nimmer do!
    Dabei hob i nix Schweres 'gess'n,
    i woa eigentlich völlig g'sund,
    i kanns ganz afoch ned begreif'n,
    wie an sowas abhanden kummt!
    Es kann si nur um Sekunden, um Sekunden
    g'handelt hab'n,
    an dem Tag, an dem mir meine Ideale
    abhanden 'kommen san.
    Es kann si nur um Sekunden, um Sekunden
    g'handelt hab'n,
    an dem Tag, an dem mir meine Ideale
    abhanden 'kommen san.